500: Internal Server Error 500: Internal Server Error

Azərbaycanın bütün bölgələri tarixi  baxımdan çox əhəmiyyətlidir. Demək olar ki, ölkə ərazisində elə bir yaşayış məntəqəsi yoxdur ki, tariximizi  mədəni  irsimizi  əks etdirən tikililərə, yaşayış yerlərinə rast gəlinməsin. Şimal  bölgələrindən biri olan Xaçmaz rayonu da bu  siyahıda önəmli yerlərdən birini  tutur .

Xaçmazda 60-dan çox tarix və mədəniyyət abidəsi qorunub saxlanmışdır. Rayonun ərazisindəki ən qədim arxeoloji abidələr Sərkərli, Mollabürhanlı, Hülövlü, Qaracik, Həsənqala kəndlərinin yaxınlığındakı tunc dövrünə aid qədim məskənlər və kurqanlardır. Canaxır, Bostançı kəndlərinin yaxınlığında orta əsrlərə aid insan məskənləri də bu qəbildəndir. Çoxsaylı tarix və mədəniyyət abidələri var. Moruqoba, Qalağan, Uzunoba, Tağaroba kəndlərində XX əsrdə tikilmiş məscidlər, Qaraqurdlu kəndində XV-XVI əsrlərə aid Şah Abbas məscid-mədrəsəsi, Şıxlar kəndində Şeyx Yusif məscidi (XV əsr) qorunub saxlanılmışdır. Niyazabad limanı XVI əsrdən Azərbaycanın qonşu ölkələrlə əlaqələrin yaradılmasında mühüm rol oynamışdır. Xaçmaz rayonunun ərazisində aparılmış arxeoloji qazıntılar zamanı tunc dövrünə aid qəbirlər, eləcə də əmək və ov alətləri və məişət muxəlləfatı əşyaları aşkar edilmişdir. Qədim qala-şəhərlərdən biri olan Xudat (Xudat sözünün mənası Allahın neməti deməkdir) Xaçmaz rayonunda yerləşir. XX əsrin əvvəllərində (1900-1903-cu illər) tikilmiş dəmir yol stansiyası və su qülləsi, Hacı Zeynalabdin Tağıyevin vəsaitinə 1900-1913-cü illərdə tikilmiş Şollar su anbarı və su kəməri də maraq doğururlar. Bu tikililər indi də texniki cəhətdən işləkdirlər. (Vikipedia)

Lakin təəssüf olsun  ki heç də bütün tarixi  tikililər layiq olduqları qayğı və diqqətlə qorunmur.

Oxucularımıza Xaçmaz rayonu  ərazisində uçulmaq təhlükəsi ilə üz üzə olan Qaraqurdlu kəndindəki XV-XVI əsrlərə aid Şah Abbas məscid-mədrəsəsindən foto sessiyanı təqdim edirik.

FOTO RUFİZ HAFİZOĞLU

This slideshow requires JavaScript.

Mədəniyyət və Turizm Nazirliyinə  birinci foto müraciət

Share

About Author

rufiz

(0) Readers Comments

Comments are closed.